Kaz Crossley, ylli i realit show-t në Britani “Love Island”, është filmuar duke konsumuar kokainë. Pamjet janë publikuar nga mediat vendase. Në pamje, shihet Kaz që ul kokën në tavolinë, mbi të cilën duket se janë vendosur disa viza kokaine.
The Sun shkruan se video dyshohet se është kapur në nëntor të vitit të kaluar, gjatë kohës që Kaz ndodhej në Dubai ku dhe mbeti e karantinuar. Ende nuk ka një reagim nga ylli televiziv.
Askush nuk lejohej të udhëtonte nëse nuk ishte për punë. Por si shumë influencues në atë kohë, Kaz – i cili mburret me 1.2 milionë ndjekës në Instagram – po “punonte” në qytetin e Emirateve të Bashkuara Arabe. Agjenti i saj tha në atë kohë se Kaz kishte qenë atje që nga tetori – pra ishte një rezidente dhe jo një turiste.
Kaz u filmua me një mini fustan portokalli. Një foto e postuar në rrjetet sociale më herët në mbrëmje e tregonte atë me të njëjtin fustan me mbishkrimin: “Kaq e pastër kur të ngjitem në skenë”.
“Ajo sigurisht që nuk është aq e pastër sa duket në internet.”
Dubai ka zero tolerancë për veprat penale të lidhura me drogën. Dënimet për posedim droge, qoftë edhe sasi të mbetur, janë të rënda dhe dënohen me burgim deri në 20 vjet.
Kaz u nda nga i dashuri i saj në Love Island, prezantuesi Josh Denzel, në janar 2019.
Ajo vazhdoi të takohej me atletin Theo Campbell – një yll i mëparshëm i Love Island – përpara se ta linte atë vitin e kaluar. Aktualisht ajo është beqare. Ajo sapo ka blerë shtëpinë e saj të dytë në Mançester dhe është një udhëtare e zjarrtë.
Në një intervistë në vitin 2019, ajo foli për stilin e jetës së saj të shëndetshme dhe tha: “Në verë më pëlqen të vrapoj dhe shkoj në palestër të paktën tre herë në javë në dimër.
“Më pëlqen kik-boksi. Më pëlqen të ha shëndetshëm + shumë sallata.”
/Burimi: The Sun/ Përshtati: Priza.al/
