Një seri fotosh të disa prej kriminelëve më të rrezikshëm në botë janë publikuar nga policia. fotot nga departamentet e ndryshme të policisë janë përmirësuar në mënyrë dixhitale duke shtuar ngjyra në çdo piksel të imazhit dhe duke përdorur kërkime intensive për të përshtatur tonet e lëkurës, flokëve dhe rrobave të tyre.
Fotografi Jason Baker, 40 vjeç, përdori imazhe origjinale të emrave të profilit të lartë si legjenda e muzikës David Boëie, gangsteri Al Capone dhe aktorja Jane Fonda, ku secilit iu deshën deri në 10 orë për t’u përsosur.
Pablo Escobar, 1977
Për një trafikant të njohur droge dhe bos krimi përgjegjës për qindra vrasje, qëndrimi pas hekurave nuk do të ishte një eksperiencë e bukur. Por në këtë foto të vitit 1977, Pablo shihet duke buzëqeshur në foton e shkrepur në stacionin rajonal të Policisë Kombëtare kolumbiane në Medellín.Besohet se lumturia e tij vjen nga fakti se ai e dinte që nuk do të ishte në burg për shumë kohë. Është raportuar se Escobar dhe disa nga njerëzit e tij u arrestuan pasi policia gjeti 18 kg kokainë të fshehur në një gomë rezervë. Por kur erdhi koha për të trajtuar çështjen, ajo u shty disa herë pasi gjyqtarët nuk do ta ‘preknin’ Pablon nga frika e hakmarrjes. Si përfundim, ajo u hodh poshtë dhe Escobar u la i lirë.
Qindra oficerë paguheshin nga karteli i tij për të mbyllur një sy përballë aktiviteteve të tij të ligjshme dhe qeveria kolumbiane e pati shumë të vështirë të ‘rrëzonte’ lordin e drogës. Escobar u vra në dhjetor të vitit 1993 kur zotëronte 80% të kokainës në botë dhe kishte ambicie të drejtonte vendin e tij.
David Bowie, 1976
Ylli i rock-ut, David Bowie ishte kthyer në hotelin e tij pasi kishte luajtur në një shfaqje mbrëmjen e të shtunës më 20 mars 1976. Disa orë më pas ai u arrestua në suitën e tij nën akuzën për posedim marihuane. Një raport i policisë në atë kohë tha se ata konfiskuan ‘rreth gjysmë kile marihuanë’ nga grupi.
Fotoja e tij nga Departamenti i Policisë së Rochester tregon këngëtarin Ziggy Stardust të veshur me një kostum me tre shirita dhe një këmishë të bardhë të zbërthyer. Bowie, atëherë 28 vjeç, pagoi obligacionet e grupit për t’u kthyer në kohë për koncertin. Ai u deklarua i pafajshëm disa ditë më vonë në gjykatën e qytetit të Rochester.
Pas përfundimit të shfaqjeve në Madison Square Garden, Bowie u kthye në Evropë në fund të marsit të vitit 1976. Në maj të vitit 1976 , akuzat u hodhën poshtë në mënyrë efektive pasi një juri e madhe nuk pranoi të padisë artistin legjendar. Ai nuk u kthye më në Rochester.
Patty Hearst, 1975
Aktorja dhe shkrimtarja Patty Hearst është një nga rastet më të çuditshme në historinë e FBI-së. Në vitin 1974, mbesa e botuesit miliarder William Randolph Hearst u rrëmbye nga disa persona, të cilët kërkonin që familja e trashëgimtares të jepte para për të ushqyer të varfërit.
Por në negociata e sipër për ta liruar atë në 1975, Hearst deklaroi në mënyrë dramatike se ajo i ishte bashkuar grupit me vullnetin e saj të lirë. Ajo më vonë mori pjesë në një grabitje bankare në San Francisko me grupin dhe u kap nga një kamera vëzhgimi duke iu bërtitur klientëve gjatë bastisjes.
Më 18 shtator 1975, ajo më në fund u kap dhe u arrestua për grabitje me armë. Hearst u dënua dhe kaloi shtatë vite në burg.
Steve McQueen, 1972
Legjenda e filmit Steve McQueen është fotografuar duke bërë një gjest të pafytyrë me shenjën e paqes gjatë fotografimit të tij në Alaskë.
Ai u arrestua teksa drejtonte mjetin e tij në gjendje të dehur.
Al Pacino, 1961
Jo shumë njerëz duken bukur kur pozojnë në stacionet policore. Por 20-vjeçari Al Pacino duket një yll i vërtetë në Rhode Island në vitin 1961. Ai u arrestua së bashku me dy shokët e tij dhe u akuzua për armëmbajtje pa leje.
Në pamundësi për të përballuar garancinë prej 2000 dollarësh, ata kaluan tre ditë në burg.
Al Capone, 1930
Në prill të vitit 1930 ai u arrestua për mbajtjen e armëve vdekjeprurëse dhe ai u akuzua si përgjegjës për dhunën e shkaktuar në masakrën e Ditës së Shën Valentinit.
Ndërkohë, Thesari i SHBA-së kishte zhvilluar prova mbi akuzat për evazion fiskal, për të cilat Al Capone u deklarua fajtor. Gjykatësi në këtë çështje e dënoi atë me 11 vjet burg, nga të cilat ai kreu shtatë, duke përfshirë disa kohë në Alkatraz.
Kushtet e burgut bënë që shëndeti i tij tëu përkeqësohej seriozisht dhe pas lirimit ai u zhvendos në Palm Island në Florida deri kur humbi jetën në vitin 1947.
Burimi:DailyMail/Përshtati:Priza.al/
