28-vjeçarja Irvana Medinaj (Hyka) e cila u vra nga bashkëshorti 31 herë me thikë, ka qënë shtatzënë. Krimi makabër ka ndodhur pasditen e djeshme në Fier, e ndërsa viktima ishte 6 javëshe shtatzënë.
Ajo është goditur me thikë në të gjithë trupin nga bashkëshorti 29-vjeçar, Demokrat Medinaj.
Dy të rinjtë kanë debatuar me njëri-tjetrin, dhe më pas bashkëshorti e ka qëlluar 31 herë me thikë.
Krimi tragjik ka ndodhur në sy të dy fëmijëve të mitur të çiftit, 6 dhe 4-vjeç. Lidhur me këtë ngjarje të rëndë, xhaxhai i viktimës është shprehur se çifti nuk ka pasur konflikte me njëri-tjetrin.
Ata ishin martuar me mblesëri, dhe jetonin në lagjen “Sheq i madh”, në qytetin e Fierit. Autori i ngjarjes nuk është kapur ende nga policia.
