Fqinji ynë Jugor është zgjuar sot nga tronditje të forta tërmeti që kanë shkundur një prej ishujve të tij më të mëdhenj, Kretën. Tërmeti i sotëm ishte me magnitudë 4.8 ballë, duke goditur ishullin në të cilin banojnë edhe shumë shqiptarë.
Observatori Kombëtar i Athinës (NOA) raportoi një tërmet me madhësi 4.8 ballë në Greqi pranë Kissamos, në Chania të Kretës, vetëm pak minuta më parë.
Tërmeti goditi në mëngjesin e të shtunës 3 Prill 2021 në 09:10 të mëngjesit, me kohën lokale në një thellësi të ulët prej 10 km.
Shërbimi i monitorimit identifikoi një raport të dytë nga Qendra Gjermane e Kërkimeve për Gjeoshkencat (GFZ), i cili renditi tërmetin me magnitudë 4.5.
Një agjenci e tretë, Qendra Sizmologjike Evropiane-Mesdhetare (EMSC), raportoi të njëjtin tërmet me magnitudë 5.0 ballë.
Qytetet në ishull ku tërmeti është ndjerë, përfshijnë Moni Chrysoskalitissas 81 km nga epiqendra, Gialos-in 87 km larg, Paleochora-n 91 km larg, Platanos-in 93 km larg, dhe Kissamos-in 99 km larg, që të gjitha janë lëkundur.
Ende nuk ka raportime për të lënduar dhe dëme materiale.
/Priza.al/
