Papa Françesku, i cili njihet për thjeshtësinë e tij, këtë rradhë ka përqendruar vemëndjen tek mbrojtja e mjedisit. Duke u nisur nga ky synim, ai është shprehur “se teknologjia e bazuar në përdorimin e lëndëve djegëse shumë ndotëse duhet zevëndësuar menjëherë”.
Prandaj ‘Papamobil-i” tij do të zëvëndësohet me një mjet elektrik. Këtë e konfirmon edhe Henrik Fisker, i njohur në të gjithë botën për dizajnimin e disa prej makinave më të mira në botë.
Ai u shpreh se Shenjtëria e Tij do të lëvizë me një automjet të zakonshëm, Ocean SUV i ndërtuar edhe nga materiale të riciklueshme si shishet plastike. Fisker premton realizimin e ‘transportit papal tërësisht elektrik’ vitin e ardhshëm.
Makina e zakonshme SUV Ocean, do të jetë e aftë të kalojë më shumë se 350 milje me një ngarkesë të vetme, gjithashtu do të ketë një çati ose kupolë të vogël xhami, e cila do të lejojë kreun e Kishës Katolike ‘të përshëndesë besimtarët’.
/Burimi: Daily Mail/ Përshtati: Priza.al/
