25 ditë përpara zgjedhjeve, Bledi Çuçi nuk do të jetë ministër i Brendshëm.
Kjo pasi ia ka deleguar kompetencat, zv. Ministrit Besfort Lamallarit, për shkak të angazhimit të tij në zgjedhjet e 25 prill, si kandidat për deputet dhe drejtues politik i qarkut të Gjirokastrës.
Këto kompetenca Lamallari i ka marrë në datën 25 mars dhe do i mbajë deri në 30 prill, 5 ditë pas përfundimit të zgjedhjeve. Ky vendim ka hyrë në fuqi menjëherë dhe është botuar në fletoren zyrtare.
