Një aksident me pasojë vdekjen e një shtetasi ka ndodhur mbrëmjen e sotme në aksin Lezhë-Shkodër.
Një automjet ka përplasur këmbësorin (ende të paidentifikuar) i cili ka ndërruar jetë. Blutë njoftojnë se kanë shoqëruar drejtuesin e mjetit.
Lezhë/Informacion paraprak
Rreth orës 21:50, në aksin rrugor Lezhë-Shkoder, në Balldre, shtetasi G. B. duke drejtuar automjetin e tij, ka aksidentuar një këmbësor akoma të paidentifikuar, i cili për pasojë ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme procedurale.
Grupi hetimor në vendin e ngjarjes vazhdon veprimet për zbardhjen e plotë të rrethanave të aksidentit.
