Një farmaci në qytetin e Vlorës është përfshirë nga flakët në orët e para të mëngjesit.
Lidhur me ngjarjen, qytetarët e pallatit në afërsi me farmacinë kanë rrëfyer se e kanë përjetuar keq ngjarjen, ku theksojnë se kishin vështirësi edhe me frymëmarrjen.
“Kishte shumë tym nuk merrnim dot frymë. Ishte një zhurmë si bombë, kur dola këtu u bllokova, vdiqa, qeni e nuhati para nesh. Orën nuk e mbaj mend nuk e pashë se u tremba shumë më rrihte zemra. Jam trembur shumë, kisha frikë thashë se do vdesim por shpëtuam”, tregon një prej banoreve.
Biznesi i cili u shkrumbua ishte në pronësi të shtetases Resmina Isakaj, ku janë shkaktuar vetëm dëme materiale.
