Ardjan Nikulaj mbeti i vrarë ditën e sotme nga të shtënat me armë zjarri. Ngjarja ka ndodhur në një lokal në pedonalen e Shëngjinit. Dyshohet se autorët kanë qenë dy.
Nikulaj rezulton të ketë kandiduar për deputet në zgjedhjet e vitit 2021 nën siglën e PSD-së, të drejtuar nga Tom Doshi , në Lezhë. Sakaq, aktualisht ai kandidonte për këshillin bashkiak në qytetin e Lezhës.
51-vjeçari është babi i 4 fëmijëve dhe njihet në zonë edhe si biznesmen. Dyshimet e para janë se ngjarja mund të ketë lidhje me mosmarrëveshjet për pronat në bregdet.
Nikulaj figuron me precedentë penale, në vitin 2003, rezulton i dënuar me 4 muaj burg për armëmbajtje pa leje.
Ndërsa në vitin 2006 është dënuar me gjobë për kontrabandë dhe falsifikim.
