Ka qenë një mrekulli ajo që e ka bërë vogëlushen 6-vjeçare, Anela Rezentes, që t’i shpëtonte dhëmbëve të një peshkaqeni, edhe pse afër bregut të detit.
Vajza 6-vjeçare havaiane, ishte në një prej plazheve të shumtë dhe mahnitës të Havait, kur u rrezikua nga një peshkaqen jo fort i madh ditën e sotme, i cili është shfaqur në breg të detit teksa vajza po notonte pranë bregut, duke luajtur me dallgët.
Vogëlushja Anela Rezentes, është filmuar nga nëna e saj Sheri Gouveia, e cila po i bënte video rastësisht kur pa peshkaqenin afër vajzës së saj, raporton “Daily Mail”.
“Shpirti im m’u largua nga trupi kur pashë peshkaqenin. Nuk e vura re që ishte pas shpinës time. Isha vërtet e frikësuar”,- e ka përshkruar momentin tmerrues vajza e vogël.
Ajo në fillim nuk e pikasi prezencën e grabitqarit nën ujë, por kur e pa atë, u largua e tmerruar. Për fat të mirë, ajo ka mundur të dalë nga uji pa u lënduar.
/Burimi: Daily Mail/Përshtati: Priza.al/
