Femrat nuk dhunohen vetëm në Shqipëri apo të tjera vende të botës së tretë… Dhuna është e pranishme kudo madje edhe në zemrën e demokracisë dhe tolerancës botërore, SHBA.
Një incident aspak i këndshëm është shënuar në një nga metrotë e Nju Jorkut, ku një burrë godet me shuplakë në fytyrë një grua.
Incidenti ka ndodhur në Brooklyn të premten, ku videoja amatore e realizuar me telefon “të mençur”, shfaq viktimën 34-vjeçare, e cila grindet me burrin e panjohur duke mos e ditur që po filmohej gjithçka.
Kur burri duket se humb kontrollin, tenton të sigurohet që askush të mos e shoh, pasi hedh vështrim në dy anët e vagonit, më pas e godet shuplakë femrën në fytyrë.
Më pas ai largohet nga treni sikur të mos kishte ndodhur asgjë e keqe. Si pasojë e sulmit, gruaja pësoi lëndime në hundë dhe ënjtje të fytyrës.
Megjithatë nuk dihet nëse viktima dhe agresori e njihnin më parë njëri-tjetrin.
/Burimi: Daily Mail/Përshtati: Priza.al/
