Lindita Nikolla ka reaguar për herë të parë pasi kryeministri Edi Rama e zgjodhi në krye të Kuvendit të Shqipërisë. Në një prononcim nga Pallati i Kongreseve për mediet, Lindita Nikolla është shfaqur e emocionuar.
“Jam e përgatitur. Jemi të përgatitur për të bërë më të mirën e mundshme për një debat jetik. Është një emocion i veçantë.
Ajo shprehet se do të punojë për të krijuar klimë pozitive dhe hapësira për opozitën në Kuvend.
‘’Do punoj me përkushtim për respektimin e rregullores, për krijimin e një klime pozitive në Parlament, për krijimin e hapësirave për opozitën. E mbushur me përgjegjshmëri për të përmbushur pritshmëritë e kryetarit të PS për zgjedhjen time.’’- tha Nikolla.
“Kthimi është në ambientin e demokracinë, jam e përgatitur. Për të monitoruar punën e qeverisë. Është një emocion i veçantë nuk kam si e fsheh, kam gjithë përgjegjshmërinë maksimale për ta përmbushur. Kam çfarë mësoj nga Ruçi dhe nga të tjerë”, është shprehur Nikolla.
/Priza.al/
