Një zjarr i madh ka përfshirë një ndërtesë në Bronx të Nju Jorkut, duke shkaktuar një tragjedi të vërtetë, me 19 viktima të regjistruar deri tani sipas autoriteteve. Në mesin e tyre, sipas zyrtarëve të policisë “NYPD” ka dhe fëmijë.
Si pasojë e zjarrit, 32 njerëz përfunduan në spitale me gjendje kritike për jetën, tha më herët të dielën komisioneri i “FDNY”, Daniel Nigro.
“Ky është një moment i tmerrshëm dhe i dhimbshëm për qytetin e Nju Jorkut dhe ndikimi i këtij zjarri do të sjellë vërtet një nivel dhimbjeje dhe dëshpërimi në qytetin tonë”,- tha më herët Adams.
Rreth 200 anëtarë të Departamentit të Zjarrfikësve të qytetit të Nju Jorkut ishin në skenën e zjarrit në një ndërtesë apartamentesh 19-katëshe në “333 East 181st Street”.
Zjarri filloi pak para orës 11 të mëngjesit, në një apartament dupleks në katin e 2-të dhe të 3-të të ndërtesës
Të paktën 31 persona janë lënduar rëndë, pas një zjarri që shpërtheu në një bllok apartamentesh në Nju Jork.
Sipas mediave të huaja, dëshmitarët pohuan se, kishin parë banorët që hidheshin nga ndërtesa 19-katëshe, pasi zjarri shpërtheu të dielën në mëngjes.
Zjarri besohet se ka nisur në një apartament në katin e dytë dhe të tretë dhe nuk është përhapur në banesa të tjera, ku shumica e lëndimeve besohet se janë shkaktuar nga tymi i përhapur në të gjithë ndërtesën.
/Burimi: Daily Mail/Përshtati: Priza.al/
