“Tha se uji nga Fukushima ishte i pijshëm”/ Kina i kërkon ministrit të pijë ai i pari nga ky ujë (FOTO)

Kina i ka kërkuar kryeministrit japonez Taro Aso, që të pijë ujë radioaktiv të trajtuar nga Fukushima për të provuar pretendimin e tij se ky ujë është i sigurt për t’u pirë. Këto komente erdhen direkt pasi Tokio njoftoi se do të lëshojë këtë ujë me radioaktivitet nga Fukushima, por të trajtuar, në Oqeanin Paqësor.
Uji i akumuluar është ruajtur në një rezervuar që prej vitit 2011, kur një tërmet masiv dhe tsunami dëmtuan disa reaktorë dhe uji i tyre filloi të rridhte. Një zyrtar japonez tha se ky ujë mund të pihet dhe i këshilloi të gjithë qytetarët që të pinin nga ky ujë. Ai e trajtoi çështjen si injorancë të popullit japonez ndaj mjedisit ekologjik.

Tragjedia e Fukushimës shkaktoi që shumë njerëz të prekeshin nga sëmundja Minamata. Kjo sëmundje i paralizonte atyre sistemin nervor qëndror dhe shkaktonte probleme që në lindje. Sëmundja erdhi nga konsumimi i ujit të ndotur me radioaktivitet, që u hodh në det nga një fabrikë kimike në Japoninë jugperëndimore nga viti 1932 deri në vitin 1968.

Një ekspert tha që Japonia nuk duhet ta hedhë këtë ujë në oqean pa leje nga vendet e tjera dhe nga Agjencia Ndërkombëtare e Energjisë Atomike. Koreja e jugut dhe Tajvani e kanë kundërshtuar këtë vendim të Japonisë, duke thënë se uji me radioaktivitet do të dëmtojë mjedisin detar, si dhe rrezikon sigurinë e ushqimit dhe shëndetin e njeriut.

Kryeministri japonez Yoshihide Suga tha se çlirimi i ujit në oqean do të ishte opsioni më realist dhe se largimi i ujit është i nevojshëm për të përfunduar dekompozimin për dekada të impiantit të Fukushima-s. Ai tha se qeveria do të punojë që të sigurohet se uji është i sigurt dhe për të ndihmuar bujqësinë lokale, peshkimin dhe turizmin.

Përshtati:Priza.al/Burimi:DailyMail