Policia e Lushnjes ka dhënë detaje lidhur me ngjarjen e ndodhur në Lushnje, ku pas të shtënave me armë u raportuar se mbeti e plagosur, Bajame Seneja, 60-vjeç.
Uniformat blu bëjnë me dije se autori është identifikuar dhe se janë ngritur të gjitha pikat e kontrollit për kapjen e tij.
Njoftimi i policisë:
Rreth orës 17:20, në fshatin Ballagat, Lushnjë, në rrethana ende të paqarta është plagosur me armë zjarri shtetasja B. S., 60 vjeçe, banuese në Ballagat, Lushnjë, e cila ndodhet në spital, në kujdesin e mjekëve.
Shërbimet e Policisë kanë shkuar menjëherë në vendngjarje , janë ngritur pika kontrolli në të gjitha hyrje-daljet e qytetit të Lushnjës dhe vijon krehja e zonës me qëllim kapjen e autorëve.
Grupi hetimor ndodhet në vendngjarje dhe vijon punën intensive për zbardhjen e plotë të ngjarjes.
