Nuk ka rëndësi nëse je një adoleshent apo një person më i pjekur: mund të jetë e vështirë, mund të mos keni mbaruar kurrë një libër, por ky artikull do t’ju ndihmojë të bëheni më të kulturuar!
1
Mëso se çfarë do të thotë të jesh i kulturuar. Një person i kulturuar mund të jetë një lexues eklektik, i cili shikon filma klasikë të shkruar mirë dhe që ka një vlerësim të rafinuar për artin.
Për më tepër, të jesh i kulturuar do të thotë të njohësh botën dhe gjuhët e saj, të kuptosh politikën ndërkombëtare, të njohësh mjaft mirë historinë e botës. Mbi të gjitha, një person i kulturës është i interesuar për kulturën dhe është i përfshirë në mënyrë aktive në të.
2
Lexo më shumë. Një pjesë e madhe e kulturës vjen nga librat, pasi ato kanë ekzistuar më gjatë se çdo media tjetër. Kur mendoni se keni njohuri të mjaftueshme për një zhanër, zgjidhni një tjetër.
3
Shkruaj. Mund të shkruani poezi, tregime të shkurtra, libra, madje edhe komedi. Të jesh i kulturuar do të thotë t’i përgjigjesh thirrjes së kulturës dhe akti krijues është mënyra më e mirë për ta bërë atë.
4
Shiko filma. Është shumë e rëndësishme që jo vetëm të lexoni libra, por edhe të shikoni rregullisht filma. Ka shumë prej tyre që ia vlen të shikohen.
5
Shiko televizor. Mund të jetë një aktivitet që kërkon kohë, por thjesht shikoni një episod të diçkaje në ditë. Ka shumë për të mësuar nga shfaqjet televizive. TV është një media po aq e rëndësishme sa çdo tjetër, dhe shpesh jep dëshmi sociale.
6
Zgjero horizontet e tua muzikore. Shumë njerëz janë shumë të mbyllur kur bëhet fjalë për muzikën, por një person me kulturë e
admiron edhe muzikën e përpunuar.
7
Merr pjesë në kulturën e internetit. Mos harroni se kultura e kaluar, si muzika e viteve ’80, ka qenë dikur kultura e së tashmes. Ata që i kanë kushtuar vëmendje atëherë mund ta kuptojnë rëndësinë kulturore, ndërsa ata që e kanë injoruar nuk munden. Epoka dixhitale është shumë e rëndësishme dhe është një pikë kthese e madhe për shoqërinë. Jetojmë në kohë të rëndësishme historike. Mos e lini t’ju rrëshqasë.
8
Interesohu më shumë për artin. Arti është një gjuhë universale. Ndonjëherë konsiderohet forma më e fuqishme e komunikimit. Ju takon juve t’a konfirmoni nëse është me të vërtetë, pasi t’i jeni afruar mjaftueshëm atij.
9
Mëso një gjuhë të re. Mënyra më e mirë është të zhyteni totalisht në mësimin e saj.
10
Udhëto. Të lexosh për kulturat e tjera në vend që t’i përjetosh ato është si t’i shpjegosh ngjyrat një personi të verbër. Shumë nga paragjykimet që kemi për një kulturë të caktuar (të mira apo të këqija) janë krejtësisht të gabuara dhe mënyra e vetme për të zbuluar të vërtetën për disa praktika shoqërore është t’i përjetojmë vetë.
11
Gjej një hobi. Pyetni miqtë tuaj se çfarë hobi kanë. Shumica do të jenë forma arti ose sporte. Si një person i kulturuar, është e rëndësishme të keni sa më shumë eksperienca të jetë e mundur, kështu që herën tjetër, kur një miku juaj të shkojë për ski për shembull, kërkoni që të merrni pjesë.
12
Vizito vendet ku mund të mësosh ndërsa argëtohesh. Shkoni në kopshtin zoologjik, vizitoni muzetë, shkoni në kampe për të mësuar rreth natyrës.
13
Edukohu. Sot, falë rrjetit, praktikisht i gjithë informacioni është i aksesueshëm. Përdoreni këtë përfitim për të mësuar të gjitha ato gjëra që nuk i keni kuptuar kurrë më parë. Ju duhet të synoni të jeni të aftë për: histori botërore, gjeografi, shkencat bazike, ekonomi, psikologji, art dhe arkitekturë, filozofi.
/Priza.al/
