Ditën e sotme janë evidentuar disa raste të transportit të emigrantëve të paligjshëm ku disa qytetarë i ndihmojnë të kalojnë drejt vendeve të BE-së kundrejt pagesës.
Si rezultat i këtyre kontrolleve, në aksin rrugor Tepelenë-Fier janë kapur 3 emigrantë të paligjshëm dhe është arrestuar Mandi Cano 42 vjeç i cili po kryente transportin e tyre.
Ndërkohë në aksin rrugor Përmet-Tepelenë, në vendin e quajtur Ura e Dragotit, policia ka arrestuar 2 persona dhe ka ndaluar 13 emigrantë nga vendet e treta, të cilët kishin paguar për të shkuar në Tiranë. Policia sekuestroi dy automjet dhe 4 aparate celular.
Edhe në Lezhë janë arrestuar 2 persona të cilët u kapën duke transportuar 19 emigrantë në drejtim të Kosovës.
Mbi 5 të arrestuarit në Lezhë, Fier dhe Gjirokastër rëndon akuza e ndihmës për kalim të paligjshëm të kufijve e kryer në bashkëpunim.
/Priza.al/
