Një 21- vjeçar është arratisur nga ambientet e Gjykatës së Korçës teksa po priste që të merrte masën e sigurisë.
Mësohet se Kristian Medolli është i riu i cili iu arratis policisë së shtetit, mesditën e sotme.
Ky i fundit ishte shoqëruar para dy ditësh për vjedhjen e një banese në fshatin Qatrom dhe sot do të njihej me masën e sigurisë.
Sakaq, policia ka vendosur postblloqe në hyrje-dalje të qytetit për të arrestuar sërish Kristian Medollin.
