Shkodër/ Plagosja me tre plumba mbrëmjen e kaluar e Vinçens Piroli është bërë me pistoletë me silenciator.
Sipas hetimeve paraprake, Piroli është qëlluar nga pas shpine teksa po ecet në këmbë, me 3 plumba të cilat e prekën në shpatull dhe në brinjë.
Sipas policisë, dyshohet se Piroli është vrasës me pagesë. Menjëherë pas plagosjes, ai ka marrë në telefon një familjarin e tij, i cili e ka dërguar në spitalin e Lezhës, edhe pse plagosja ka ndodhur në Shkodër.
34-vjeçari ka deklaruar para policisë se ka shkuar në spitalin e Lezhës, pasi aty ndihej më i sigurt se në Shkodër.
“Ndihem më i sigurt në spitalin e Lezhës se në Shkodër, prandaj erdha këtu”, u ka thënë ai hetuesve.
/Priza.al/
