Një ngjarje e rëndë ka ndodhur mëngjesin e sotëm në një hotel në qytetin e Durrësit, ku shtetasi Fatbardh Doda 32-vjeçar ka plagosur me armë zjarri një 23-vjeçare.
Mësohet se E.K, 23 vjeçe, banuese në Durrës, ndodhet në spital, jashtë rrezikut për jetën.
Njoftimi i plotë i policisë: Durrës/Informacion paraprak
Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi F.D, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën.
Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes.
/Priza.al/
