Sekretariari për Procedurat, Votimet dhe Etikën ka vendosur këtë të premte përjashtimin me 10 ditë nga komisionet dhe seanca plenare e Kuvendit Sali Berishën dhe katër deputetë të tjerë të PD. Janë përjashtuar për 10 ditë Sali Berisha, Edi Paloka, Flamur Noka, Edmond Spaho dhe Belind Këlliçi.
Kjo pas kaosit të krijuar të enjten në seancën plenare, ku opozita bllokoi foltoren dhe projektligjet u miratuan me shpejtësi nga mazhoranca në mes të zhurmës dhe goditjes së tavolinave.
