Një ministër vietnamez ka ‘ngritur vetullat’ pas një videoje që tregonte se po ushqehej nga dora e Nusret Gokce, shefi i famshëm i njohur si “Salt Bae”, me një biftek të veshur me ar.
Ministri i Sigurisë Publike Gjeneral To Lam ishte duke ngrënë në restorantin e famshëm të shtrenjtë të kuzhinierit në Londër, Nusr-et. Kritikët kanë vënë në pikëpyetje zgjedhjen e vendit, ku një pjatë bifteku kushton më shumë se paga mujore e ministrit, me një vlerë prej 1.800 dollarë.
To Lam shihet në një tavolinë me tre persona dhe sipas një fature të publikuar, e gjithë darka ka kushtuar 51 mijë dollarë. Një video, e cila më pas u fshi, u postua në TikTok e Salt Bae dhe tregonte se Lam po ushqehej me një copë biftek të veshur me ar nga vetë kuzhinieri.
Gjenerali To Lam udhëheqi një delegacion të Vietnamit në samitin e klimës COP26 të Kombeve të Bashkuara në Glasgoë, Skoci, përpara se të nisej për në Londër për të darkuar në restorantin e Salt Bae.
Bifteku që ai iu shfaq duke ngrënë kushton më shumë se paga e tij mujore, e cila është midis rreth 600 dollarë në muaj. Delegatët ishin në Londër pasi morën pjesë në samitin e klimës COP26 të Kombeve të Bashkuara në Glasgow, Skoci.
Bộ trưởng Bộ Công an Việt Nam Tô Lâm được Salt Bae chế biến và đút cho ăn món bò dát vàng trị giá lên đến 45 triệu đồng/phần trong một nhà hàng của ông này ở Luân Đôn. Cùng bàn với ông Tô Lâm là Chánh văn phòng Bộ Công an Tô Ân Xô. pic.twitter.com/hGZZqGbJZr
— Duy Bình (@DuyBnh61157516) November 5, 2021
Ndonëse Nusret e fshiu me nxitim videon, faqet e rrjeteve sociale e kanë bërë tashmë videon virale në Vietnam dhe në vendin ku qytetarët vietnamezë fitojnë 150 dollarë në muaj, nuk vonuan reagimet për një luks të tillë të një ministri në pushtetin komunist.
/Burimi: BBC/ Përshtati: Priza.al/
