“Vota jonë plumb për armikun e për katund të fikun,”– shkruan një qytetar në llogarinë e tij në rrjetin social ‘Facebook’, teksa ilustron me foto vështirësitë e të kthyerit në shtëpi, pas dhënies së votës në qendrën e votimit.
Kujtim Margjeka, banues në fshatin Bujan të Tropojës, pasi shkoi për të votuar ditën e sotme, ndau me ndjekësit e tij foton e urës së shkatërruar ku ai dhe bashkëshortja e tij duhet të rrezikojnë jetën për të kaluar, për t’u kthyer në shtëpi.
Në këtë ditë zgjedhjesh, qytetari e adreson këtë problematikë si një çështje që duhet zgjidhur menjëherë, duke u përpjekur të tërheqë edhe vëmendjen e drejtuesve,
“Në foto gruaja ime duke kaluar urën, shpresojmë të rregullohet një ditë,”– shkruan qytetari në postimin e tij.
