Will Smith është përjashtuar nga Oscars dhe ngjarje të tjera të Akademisë për 10 vjet pasi aktori goditi me shuplakë komedianin Chris Rock.
Akademia e Arteve dhe Shkencës së Filmit, e cila organizon ceremoninë e ndarjes së çmimeve, u mblodh praktikisht të premten për të diskutuar masat disiplinore.
Smith ka kërkuar falje për veprimet e tij dhe ka dhënë dorëheqjen nga Akademia.
Aktori goditi Rockun pasi ky i fundit bëri një shaka me flokët e qethura zero të bashkëshortes së Smith, pasojë e alopecisë.
Më pak se një orë më vonë, atij iu dha çmimi i aktorit më të mirë për rolin e tij në “King Richard”, ku luajti babain e yjeve të tenisit Venus dhe Serena Williams.
Në një deklaratë, Akademia tha se çmimet Oscar ishin “në hije nga sjellja e papranueshme dhe e dëmshme që pamë Smith të ekspozonte në skenë”.
Në deklaratën e tij të dorëheqjes, Smith tha se kishte “tradhtuar besimin e Akademisë” dhe ishte “zemërthyer” për veprimet e tij.
