Shtetet e Bashkuara shumë shpejt do të dërgojnë në Ukrainë paketën e ndihmës me vlerë 300 milionë dollarë, ku do të përfshihen municione, dronë dhe armë.
Paketa e re e ndihmës vjen në një moment të tensionuar të luftës. Sulmi i fundit me dron në Moskë pason kapjen nga Rusia të qytetit lindor të Ukrainës Bakhmut pas një beteje nëntë-mujore që vrau dhjetëra mijëra njerëz. Ukraina po tregon gjithashtu shenja se kundërofensiva e saj e shumëpritur pranverore mund të jetë tashmë duke u zhvilluar, shkruajnë mediat e huaja.
Ministria ruse e Mbrojtjes tha se pesë dronë u rrëzuan në Moskë dhe sistemet e tre të tjerëve u bllokuan, duke bërë që ata të devijojnë nga kursi. Presidenti Vladimir Putin e quajti atë një akt “terrorist” nga Kievi.
