Dario Nardella, Kryetar i Bashkise së Firences dhe President i EuroCities (Unioni i Bashkive të Europës) shprehu publikisht mbështetjen për kandidimin e Erion Veliajt për Bashkinë e Tiranës më 14 maj me anë të një video mesazhi.
Nardella u shpreh se qytetarët e Tiranës duhet të jenë krenar për Veliajn, të cilin e cilësoi të aftë, aktiv dhe dinamik, ‘që ka ndryshuar krejtësisht pamjen e qytetit’.
“Erioni është një mik i imi shumë i mirë, por mbi të gjitha një Kryetar Bashkie shumë i zoti. E njoh tashmë prej shumë vitesh dhe falë bashkëpunimit dhe pasionit të tij, Firence dhe Tirana qëndrojnë sot më pranë njëra-tjetrës dhe bashkëpunojnë për shumë projekte të përbashkëta.
Mendoj se qytetarët e Tiranës duhet të jenë krenar për këtë Kryetar Bashkie kaq të aftë, aktiv dhe dinamik, që ka ndryshuar krejtësisht pamjen e qytetit. Për këtë arsye ju kërkoj të gjithëve të mbështesni Erion Veliajn në këto zgjedhje të rëndësishme për të ardhmen e Tiranës, për të ardhmen e shoqërisë dhe për të ardhmen e Shqipërisë! Rroftë Tirana”, thekson Nardella.
https://web.facebook.com/reel/1352388131987134
