Koreja e Veriut ka lëshuar një raketë balistike mbi det në lindje të Gadishullit Korean në orët e para të Vitit të Ri, sipas agjencisë së lajmeve Yonhap. Lëvizja vjen 24 orë pasi Koreja e Veriut lëshoi tre raketa balistike të shtunën.
Raketa balistike me rreze të shkurtër u lëshua rreth orës 2:50 të mëngjesit me orën lokale (0750 GMT) nga Pheniani, shkruan Sky News.
Kjo lëvizje pason një numër të paprecedentë testesh raketore të kryera nga Koreja e Veriut në vitin 2022, ndërsa Pheniani po vazhdon me zhvillimin e armëve mes spekulimeve se mund të testojë një armë bërthamore për herë të shtatë.
