FOTO/ Nga ushqimi i preferuar, tek stili i veshjesh… Të pathënat dhe ‘fiksimet’ e presidentit të Rusisë, Putin  

Ai mbahet për një njeri të fuqishëm por edhe si një personazh që jo pak e çudit botën me ato që bën. Ndër të tjera, moda, veshjet, aksesorët, automjetet, armët dhe kafshët që ai mban dhe pëlqen, përbëjnë gjithmonë lajm.

Është fjala për presidentin e Rusisë, Vladimir Putin, i cili vetëm sot firmosi dekretin i cili i lejon qëndrimin në detyrën e kreut të Rusisë për të paktën edhe dy mandate të tjerë nga 6 vite secili.

Por presidenti Putin, përveç se një njeri i fuqishëm politikisht dhe drejtues i fuqisë së parë atomike të botës, është edhe një njeri që ndjek modën dhe do argëtimin.

Zëdhënësi i Kremlinit, Dmitry Peskov, ka dhënë një intervistë për “Argumenti i Faktit”, ku edhe ka treguar disa fakte interesante lidhur me jetën e presidentit rus Vladimir Putin.

Në intervistën e dhënë, Peskov ka bërë me dije se, kreu i shtetit rus është i pasionuar pas gatimeve të thjeshta, por shmang brumërat.

Kur u pyet nëse kishte një pjatë që lideri rus nuk mund ta konsumonte, Peskov tha: “Unë nuk e di nëse ai ka probleme me ndonjë lloj ushqimi. Nuk është i komplikuar kur bëhet fjalë për ushqim dhe sigurisht që ai ha një ushqim të zakonshëm, por përpiqet të shmangë produktet e brumit”.

Temë e bisedës ishin gjithashtu rrobat e pazakonta që Putini veshi gjatë pushimeve të tij në taigën Siberiane. Edhe pse Putin bie në sy me peliçet e tij, Peskov u shpreh se ai nuk kujdeset shumë për aparencën, pasi të gjithë kostumet që vesh e blen, duken të njëjta. Ai shton se, Putin nuk ka një stilist personal që e kuron në daljet publike.

Peskov gjithashtu zbuloi se, si Putini ka njohuri të mira të gjuhës angleze dhe gjermane.

“Ai shikon kanale televizive gjermane, programe në anglisht. Jo çdo ditë, por ai praktikon anglisht disa herë në javë. Këto janë leksione të shkurtra, por të rregullta”,- tha Peskov.

Kur bëhet fjalë për hobi, Putini pëlqen të lexojë kryesisht “literaturë historike, kujtime”, madje është “fans” i madh i gazetave.

Sa për kafshët shtëpiake të Putinit, Peskov thotë se, ata janë më pak në vëmendjen e publikut tani, dhe kjo është arsyeja pse ai nuk dëshiron të flasë për to, por që kafshët shtëpiake janë gjithmonë në jetën e presidentit. Megjithatë edhe Putin ka një preferencë. “Se kam parë kurrë me mace!”,- e mbylli ai.

/Priza.al/