Tufa ishte bujare me të voglin e uritur dhe i dha me shumë zemërgjerësi atij një llokmë mish zebre, e cila jo vetëm e ngopi, por edhe e bëri të rehatoj duke u shtrirë, pas vaktit të bollshëm në mes të savanës me barkun e fryrë si kacek.
Kjo ka ndodhur me këtë këlysh luani, i cili ka ngrënë aq shumë mish sa dukej sikur “do të shpërthente” teksa rehatohej me barkun e tej mbushur, pasi hëngri një copë të madhe nga gostia e tufës me zebrën e vrarë.
Me siguri këlyshi duhet të ketë kuptuar se, kishte “sytë më të mëdhenj se barkun” teksa shtrihej mbi një pirg dheu duke tentuar të treste ushqimin.
I vogli është pjesë e një tufe luanësh në rezervatin e famshëm kenian të botës së egër “Masai Mara”, në të cilin fotografohej nga Burak Dogansoyal.
Tufa e luanëve sapo kishin vrarë në bashkëpunim një zebër të rritur, me të cilën kishin ngrënë disa copa të mëdha.
Por megjithëse të stërngopur me vaktin e tyre, disa prej këlyshëve ishin të aftë të luanin lojëra, para se të shtriheshin me kurriz, duke nxjerrë barkun nga dielli.
Dogansoyal tha: “Nuk ka gjë më të bukur se një këlysh luani me barkun e mbushur”.
“Këlyshi ishte thuajse pesë muajsh. Luanët nisin të hanë mish kur arrijnë moshën tre muajshe. Pas ngrënies, këlyshi luante me këlyshët e tjerë dhe bënte atë që bëjnë më mirë të gjithë të vegjlit, të ngacmojnë nënën e tyre”,- shtoi ai .
Luanët afrikanë janë klasifikuar tashmë si një specie e rrezikuar, me vetëm rreth 23,000 të mbetur në botën e egër. Tanimë më shumë se gjysma e luanëve afrikanë janë mbi 25 vjeç.
/Burimi: Daily Mail/Përshtati: Priza.al/
