Një sherr mes dy të rinjve ka ndodhur mbrëmjen e sotme te “Rruga e Kavajës” në Tiranë. Uniformat blu raportojnë se gjatë një konflikti, Florian Garo, ka goditur me mjet prerës Kristian Priftin, 25-vjeç, i cili është transportuar për ndihmë mjekësore në spital.
Nuk dihet ende se si ka ndodhur ngjarja, ndërsa grupi hetimor po punon për sqarimin e rrethanave të ngjarjes si dhe kapjen e autorit të dyshuar.
Njoftimi i policisë:
Më datë 06.01.2023, në Rrugën e Kavajës, gjatë një konflikti, shtetasi F. G., dyshohet se ka goditur me mjet prerës shtetasin K. P., 25 vjeç, i cili si pasojë është dëmtuar dhe po merr ndihmën mjekësore në spital.
Grupi hetimor po punon për sqarimin e rrethanave të ngjarjes si dhe kapjen e autorit të dyshuar.
