Fluksi i emigrantëve ka nisur që prej ditës së djeshme Portin e Durrësit, ndërsa në orët në vijim priten pesë tragete nga Bari dhe Ankona. Një prej trageteve është shtyre më dy orë dhe pritet të mbërrijë këto momente.
Vetëm gjatë 24-orëve në Durrës kanë mbërritur mbi katër mijë emigrant dhe një mijë automjete. Fluksi është shtuar ndjeshëm, ndërkohë autoritetet kanë shtuar masat. Kompanitë e lundrimit kanë rritur numrin e lundrimeve, me qëllim përballimin e situatës.
Në Kakavijë këtë vit vihet re një fluks i dyfishuar i emigrantëve të cilët vijnë nga Greqia. Vetëm gjatë 24 orëve të fundit kanë mbërritur rreth 4 mijë e 700 emigrantë, ndërsa aktualisht situata duket nën kontroll.
