Ka një flotë të konsiderueshme ushtarake ajrore, por ende nuk ka arritur pikun e tempit të armatimit, sidomos për dominimin ajror.
Vendi që kontrollon nga ajri edhe hapësirën ajrore shqiptare, Greqia, e shtoi porosinë e saj për avionë luftarakë “Rafale” të prodhuar nga “Dassault”, nga 18 në 24 copë.
Kështu ka deklaruar të dielën Ministrja e Forcave të Armatosura të Francës, e cila është duke u marrë me porosinë greke.
Ligjvënësit grekë në janar miratuan blerjen e 18 avionëve “Rafale” nga Franca për 2.5 miliardë euro ose 3.04 miliardë dollarë.
“Lajm i shkëlqyer. Greqia sapo ka njoftuar synimin e saj për të blerë gjashtë ‘Rafales’ shtesë. Së bashku ne po ecim përpara për të ndërtuar një autonomi të vërtetë europiane”,- tha ministrja franceze Florence Parly në Twitter.
Athina i ka shtuar blerjet e saj ushtarake muajt e fundit, ndërsa po avancon me planet për të rritur kapacitetin e saj ushtarak.
Kjo vjen si pasojë edhe e periudhës së mosmarrëveshjeje dhe acarimeve me Turqinë fqinje, mbi burimet e energjisë në Mesdhe, njoftoi “Reuters”.
/Burimi: Reuters/
