Mëngjesin e sotëm është ndarë nga jeta eksperti i Shërbimeve Sekrete, Luan Probati.
Bëhet me dije se Probati vuante prej kohësh nga një sëmundje e rëndë, betejën me të cilën nuk e ka fituar dot.
Sakaq, kujtojmë se ai është djali i “Heroit të Popullit” Hekuran Probati.
Para viteve ’90, Luan Probati ka shërbyer si operativ i Shërbimit Sekret dhe mbulonte inteligjencën universitare. Sakaq, pas vitit 1997 Probati punonte si Inspektor i Përgjithshëm i Kryeministrit për SHISH-in.
Në kohën kur ai ishte Inspektor për Shërbimin Informativ të Shtetit, kryeministër i vendit ishte Ilir Meta.
