Zyrtarët e teatrit dhe zjarrfikësit në Syracuse, New York janë përballur me një situatë të pazakontë pasi gjetën një burrë lakuriq brenda mureve të një ndërtese. Një person lajmëroi zjarrfikësit rreth orës 7:30 të mëngjesit pasi dëgjuan dikë duke kërkuar për ndihmë.
Besohet se burri ka mbetur i ngecur në një hapësirë të ngushtë mes mureve që siguron akses në rrjetet e ujësjellësit dhe kanalizimeve. Në një deklaratë në Facebook, departamenti i zjarrfikësve të Syracuse tha se ishte e paqartë se si burri u gjend në atë situatë.
Duke folur për Syracuse.com, një gazetë lokale e lajmeve, drejtori i Landmark Theatre, Mike Intaglietta tha se burri u pa duke u endur nëpër ndërtesë në fillim të javës.
“Nuk e di nëse ai hyri për t’u ngrohur apo për të përdorur tualetin”, shtoi ai.
John Kane, zëvendës shefi i departamentit të zjarrfikësve, tha për mediat lokale se burri ishte fshehur në teatër për dy ditë. Sipas policisë, burri besohet se vuan nga probleme të shëndetit mendor.
/Priza.al/
