Në Bashkinë e Durrës është pasqyruar rezultati i 47 kutive nga 342 gjithsej. Kandidatja socialiste Emirjana Sako kryeson me 56.82% të votave përkundrejt 43.18% të votave të rivalit të saj Igli Cara, kandidat i ‘Bashkë Fitojmë’.
Në Bashkinë e Shijakut janë numëruar 18 nga 54 kuti dhe deri më tani kryeson kandidati socialist Elton Arbana me 76.29% të votave. Ndërsa rivali i tij i BF Rezart Tusha është në kuotat e 23.7%.
Në Bashkinë e Krujës ku garojnë socialisti Artur Bushi dhe kandidati i Bashkë Fitojmë Agron Loka janë numëruar deri tani 17 qendra votimi nga 92 që janë gjithsej. Bushi i PS kryeson bindshëm me 63% ndërsa Loka me 37%.
