Ka mbërritur në Gjykatën e Posaçme, Jamarbër Malltezi, dhëndri i ish-kryeministrit, Sali Berisha. Ai ka zbritur nga një furgon policie. Ndërkohë, pritet verifikimi i masës së sigurisë, për çështjen e ish-kompleksit “Partizani”.
Në gjykatë, mbërriti edhe biznesmeni Fatmir Bektashi, i shoqëruar nga dy punonjës të policisë.
Është siguruar dosja voluminoze prej 200 faqesh të SPAK lidhur me hetimin e aferës së ish kompleksit “Partizani”, për të cilën është arrestuar Jamarbër Malltezi, ndërsa janë vënë nën masën ‘detyrim paraqitje’ ish kryeministri Sali Berisha dhe biznesmeni Fatmir Bektashi.
Akuzat e ngritura:
Sali Berisha- Korrupsion pasiv kryer në bashkëpunim, neni 260 dhe 25 i K.Penal
Jamarbër Malltezi – Korrupsion pasiv ne bashkëpunim Neni 260 dhe Pastrim i Produkteve ne bashkëpunim me Fatmir Bektashi neni 287 i K.Penal;
Fatmir Bektashi- Korrupsion aktiv dhe pastrim produktesh të veprës penale ne bashkëpunim me Jamarbër Malltezi.
