Tirana starton mbrëmjen e sotme pritjen e tre netëve magjike të “Sunny Hill Festival”, me skenën dhe ambientin e përgatitur enkas për këtë event madhështor nga Bashkia Tiranë dhe ekipi i vullnetarëve që tashmë është gati.
Nëpërmjet objektivit të kamerës së LSA janë fotografuar edhe momentet e hyrjes së fansave të parë që kanë zgjedhur të ndjekin këngëtarët e tyre të preferuar në këto tre netë të mbushura me muzikë dhe gëzim.
Ndërkohë, në nisje të festivalit të shumëpritur, Kryetari i Bashkisë së Tiranë, Erion Veliaj dhe organizatori Dukagjin Lipa, inspektuan detajet e fundit të përgatitjeve dhe bënë njëzëri thirrje për të festuar në mënyrë të përgjegjshme.
