Një video e pazakontë e ushtarëve Elitë të Koresë së Veriut të cilët performojnë përpara udhëheqësit të tyre Kim Jong, skena nga stërvitja e tyre ushtarake dhe ku shihen teksa thyejnë blloqet e betonit me grushte dhe me kokë, po bën tani xhiron e gjithë mediave të botës.
Ditët e fundit në qarkullim kanë dalë disa video ku shikohet një angazhim i lartë ushtarak nga Koreja e Veriut, e cila ka dashur të tregojë jo vetëm armatimet e reja, por edhe gatishmërinë e lartë ushtarake të shtetit komunist.
Por sot janë parë disa sekuenca nga një stërvitje e fundit e ushtarëve të forcave speciale koreanoveriore, të cilët të shtrirë në një stol, mbi të cilët vendosen blloqe të rënda vetëm për tu thyer më pas më një çekiç nga një ushtar tjetër, po bëjnë xhiron e rrjetit.
Kjo është shfaqja e fundit e trupës ushtarake e cila është ndjekur nga zyrtarë të shumtë të Koresë së Veriut. Por, stërvitja e tyre nuk ndalet me kaq.
Ushtarët të cilët janë gjysmë të zhveshur duke performuar skena akrobatike luftimi, shihen të thyejnë blloqet e betonit më duart e tyre, por edhe me kokë.
Në një skenë tjetër një prej ushtarëve duhet të godasë me çekiç mbi dorën e ushtarit tjetër për të thyer blloqet në mes, ndërkohë ushtarët shihen të vërsulen drejt blloqeve për t’i thyer ato me kokë.
Videoja u publikua pas fjalimit të Kim Jong Un, ku ai theksoi se, zhvillimi i armëve të Koresë së veriut ishte i nevojshëm për vetëmbrojtje dhe për të kundërshtuar politikat armiqësore të SHBA-ve dhe Koresë së Jugut.
/Burimi: Daily Mail/ Përshtati: Priza.al/
