Sekretari i Përgjithshëm i NATO-s Jens Stoltenberg vuri në dukje se fakti që forcat ushtarake ruse pushtuan termocentralin bërthamor të Zaporizhia paraqet një kërcënim serioz për sigurinë dhe mbrojtjen e atij objekti.
Sekretari i Përgjithshëm i NATO-s, Jens Stoltenberg tha se është thelbësore të sigurohen kushtet që përfaqësuesit e Agjencisë Ndërkombëtare të Energjisë Atomike (IAEA) të vizitojnë termocentralin bërthamor të Zaporozhye në Ukrainë dhe i bëri thirrje Rusisë që të tërheqë trupat e saj nga ai objekt.
“Është urgjentisht e nevojshme të lejohet inspektimi i Agjencisë Ndërkombëtare të Energjisë Atomike dhe të garantohet tërheqja e të gjitha forcave ruse”, u tha Stoltenberg gazetarëve në Bruksel.
