Fëmijë xhelozë, çfarë të bëjmë? Xhelozia tek fëmijët është një fenomen që duhet konsideruar normal brenda familjes, sepse çdo fëmijë dëshiron të dashurohet dhe vlerësohet nga prindërit e tij në një masë më të madhe se vëllezërit ose motrat. Por çfarë ndodh kur xhelozia është e pamotivuar dhe zilia dhe inati i fëmijës nuk regresohen spontanisht dhe përkundrazi intensifikohen dhe përkeqësohen? Dr. Elisa Simeoni nga Guidapsicologi.it na ndihmon të njohim, menaxhojmë dhe parandalojmë xhelozinë tek fëmijët dhe shpjegon se çfarë të bëjmë.
1. Pranojini emocionet e fëmijëve
Psikologët pohojnë se nuk duhet të neglizhoni emocionet e fëmijëve tuaj. Përkundrazi, ju si prindër duhet t’i mirëkuptoni ato dhe duhet ta pranoni zemërimin e fëmijëve me njëri-tjetrin. Problemet gjejnë zgjidhje vetëm atëherë kur pranohet ekzistenca e tyre fillimisht.
2. Shpenzoni kohë me ta individualisht
Duhet të shpenzoni kohë me fëmijët individualisht duke i dhënë secilit prej tyre rëndësinë dhe energjinë e merituar. Kur vëreni se njëri nga fëmijët ndihet më tepër i neglizhuar, mos nguroni t’i përkushtoni më tepër vëmendje atij. Secili nga ta duhet të ndjehet i rëndësishëm për prindërit.
3. Mos i krahasoni
Gjëja më e keqe dhe që ngjall xhelozi mes fëmijëve, është kur ju i krahasoni ata. Të bëni krahasime mes tyre se cili është më i sjellshëm, cili studion më shumë apo gjithçka tjetër, nuk është aspak e shëndetshme. Për më tepër, nëse kjo gjë do të ndodhte, do të ngjallej xhelozi mes tyre.
4. Mos bëni dallime gjinore
Është e tmerrshme për fëmijët tuaj nëse bën dallime gjinore. Për shembull nëse pretendoni që vajza juaj të bëjë punët e shtëpisë, por djali të qëndrojë i qetë pa bërë asgjë, do të ngjallej xhelozi mes tyre. Gjithashtu, ju nuk duhet të bëni dallime të tjera në bazë të gjinisë së fëmijëve tuaj, si për shembull deri kur do të qëndrojë jashtë, sa para do të shpenzojë apo gjithçka tjetër.
5. Shfaqini sa e mrekullueshme është të kenë motra e vëllezër
Mënyra më perfekte për të shmangur xhelozinë mes fëmijëve tuaj, është duke i shfaqur atyre sa e mrekullueshme është të kenë vëllezër e motra. Ata nuk do të ndihen kurrë vetëm, e madje do të kenë miq përgjithmonë. Motrat e vëllezërit janë mbështetja që ka kushdo gjatë jetës dhe fëmijët tuaj duhet ta kuptojnë bekimin që kanë në jetë.
/Priza.al/
