Presidenti i Ukrainës, Volodymyr Zelensky dhe Kryeministri Edi Rama kanë zhvilluar një bisedë telefonike me njëri-tjetrin.
Me anë të një postimi në rrjetin e tij social, Twitter, Zelensky ka zbardhur bisedën me kreun e qeverisë Shqiptare. Presidenti ukrainas është shprehur se kanë diskutuar për luftën, si edhe 30-vjetorin e marrëdhënieve diplomatike mes Shqipërisë dhe Ukrainës.
“Kam pasur një bisedë telefonike me kryeministrin shqiptar Edi Rama. Ai uroi 30-vjetorin e marrëdhënieve diplomatike mes vendeve tona, vuri në dukje hapjen e ambasadës në Kiev. Diskutuam situatën në front, rëndësinë e rritjes së ndihmës për sigurinë në Ukrainë dhe mbështetjen e Formulës sonë të Paqes”, shkruan Zelensky.
Më herët ishte kryeministri Edi Rama, ai i cili njoftoi se kishte pasur një bisedë me presidentin ukrainas.
