Mbretëresha e Anglisë, duket se ka probleme shëndetësore. Burime nga Pallati mbretëror kanë bërë me dije se Elizabeth II e kaloi natën në spital ku i është nënshtruar një sërë kontrollesh mjekësore. Mbretëresha është këshilluar që të bëjë disa ditë pushim dhe të ‘heqë dorë’ nga angazhimet e saj për t’u qetësuar.
Sipas mediave britanike, mbretëresha tashmë është kthyer në rezidencë dhe ndodhet në gjendje të mirë shëndetësore. Madje si pasojë, Elizabeth II ka anuluar vizitën e saj në Irlandën e Veriut të cilën e kishte planifikuar për këtë javë.
Kujtojmë se Mbretëresha Elizabeth II është 94 vjeçe dhe e ka marrë fronin e Mbretërisë britanike në vitin 1952. Në muajin prill, ajo ka humbur bashkëshortin e saj, princin Philip në moshën 99-vjeçare.
/Priza.al/
