Një grabitje ka ndodhur në Durrës ku dy persona të pa identifikuar janë futur pasditen e sotme në një dyqan ushqimor dhe kanë vjedhur xhiron ditore.
Uniformat blu bëjnë me dije se dy grabitësi kanë marë një shumë prej rreth 15,000 lekë të reja dhe janë larguar menjëherë.
Njoftimi i policisë:
Durrës/Informacion paraprak
Rreth orës 19:30, në lagjen nr. 15, Durrës, dy shtetas ende të paidentifikuar, janë futur në një dyqan me produkte ushqimore në pronësi të shtetases M. T., ku kanë marrë rreth 15 000 lekë të rinj (xhiro ditore) dhe më pas janë larguar me një automjet.
Shërbimet e Policisë, menjëherë pas marrjes së njoftimit, kanë shkuar në vendngjarje, së bashku me grupin hetimor.
Nga veprimet e para hetimore, është identifikuar automjeti me të cilin këta shtetas janë larguar. Vijon puna për identifikimin, lokalizimin dhe kapjen e autorëve.
Grupi hetimor, nën drejtimin e Prokurorisë, po punon për zbardhjen dhe dokumentimin e plotë të kësaj ngjarjeje.
