Një e mitur 4-vjeçare është gjetur e pashoqëruar mbrëmjen e sotme në zonën e Liqenit Artificial në kryeqytet.
Policia ka publikuar foton e vajzës dhe i ka bërë thirrje qytetarëve që mund të kenë dijeni për familjarët e saj që të kontaktojnë në numrin 112.
Tiranë/Informacion paraprak
Më datë 15.03.2023, është konstatuar e vetme te Liqeni Artificial, një vajzë 4 vjeçe, që quhet Merkel, e cila është shoqëruar më pas në ambientet e Komisariatit të Policisë Nr. 1.
Fëmija ka flokë të zinj, ka veshur kostum rozë dhe një jelek të bardhë sipër.
Drejtoria Vendore e Policisë Tiranë fton qytetarët që mund të kenë dijeni për familjarët e fëmijës të telefonojnë në numrin pa pagesë 112.
