Ai ka një pasion të madh për ngarjen e makinave, por ju nuk e dinit se dikur Presidenti i Rusisë, Vladimir Putin, në vitet ’90-të, ngiste një taksi. Mediat e huaja shkruajnë se, presidenti Putin ka treguar detaje të panjohura më parë.
Në imazhet e publikuara si asnjëherë më parë, presidenti rus shihet si shofer i një taksie dhe më përpara ai nuk e kishte konfirmuar se, u detyrua për shkak të vështirësive financiare.
Duke pranuar se nuk i pëlqente të fliste për këtë, Putin rrëfeu se, në vitin 1996, kishte pasur idenë për të punuar me kohë të pjesshme si shofer taksie, pasi shefi i tij i atëhershëm, Anatoly Sobchak, humbi një garë elektorale për të siguruar një mandat të dytë si kryebashkiak i Shën Petersburgut.
Më pas, Putinit iu ofrua një punë në administratën presidenciale në Moskë, të cilën ai e pranoi, duke lënë vendlindjen për në kryeqytetin rus.
Gjatë asaj periudhe, kur dhe i “buzëqeshi fati”, sipas tij, agjentë të inteligjencës amerikane ishin infiltruar në strukturat e pushtetit të Rusisë, por se ai, i kishte “spastruar ata” pasi mori postin e presidentit.
/Burimi: RT/
