Një 24-vjeçar shqiptar është arrestuar në Spanjë pasi ishte ‘kopshtar’ i një ferme me mbi 1 mijë rrënjë kanabisi. Ferma, një investim i kushtueshëm, ndodhej në Bashkinë e Jarandilla de la Vera dhe aty kishte të mbjella gjithsej 1 mijë e 117 rrënjë.
Më saktë në plantacion ishin 1 mijë e 200 bimë kanabis, dhe pesha e tyre e llogaritur ne fund i kalonte 1 ton marihuanë.
Mediat spanjolle shkruajnë se “Guardia Civile” ka çmontuar plantacionin dhe ka akuzuar të riun pasi e ka vënë në pranga për kultivim e 1 mijë e 200 rrënjë kanabisi, sasi që po të dilte në treg, do të prodhonte më shumë se një ton lëndë narkotike.
Operacioni mësohet të jetë zhvilluar më datë 9 shtator, por është bërë publik vetëm sot.
Plantacioni kishte një sistem të ujitjes të përbërë nga tuba të ndryshëm të shtrirë dhe që ishin të lidhur me rezervuarët e ndryshëm të ujit që kishte ferma, duke treguar kështu që rrjeti që e kishte mbjellë, përdorte metoda të sofistikuara.
Hetimi nisi kur agjentët e Shërbimit të Mbrojtjes së Natyrës (SEPRONA) të Jarandilla de la Vera, mësuan për ekzistencën e një kultivimi të gjerë të bimëve të marihuanës në një fermë të vendosur brenda kësaj zone.
Pasi ky informacion u transferua në Ekipin ROCA të Navalmoral de la Mata, të dy njësitë bashkëpunuan në hetimin e ngjarjeve duke kryer veprime të ndryshme operacionale që lejuan konfirmimin e ekzistencës së plantacionit dhe vendin e saktë ku ishte vendosur.
Më pas, me provat dhe provat inkriminuese të marra, më 9 shtator, plantacioni u çmontua pasi agjentët u shfaqën atje dhe verifikuan se një numër i madh i bimëve marihuanë po lulëzonin.
/Priza.al/
