Një ishull misterioz që shfaqet “i zi” në Google Maps ka hapur një debat të nxehtë në rrjetet sociale, në lidhje se ishullin që shfaqet si një vrimë e zezë në hartë.
Sipas një artikulli në gazetën “Sun”, gjithçka filloi me një përdorues të platformës ‘Reddit’, i cili postoi foton përkatëse, duke shkruar në mbishkrim: “Çfarë po ndodh … çfarë është kjo, nuk duket si një ishull”.
Koordinatat për vendndodhjen e ishullit nuk janë dhënë akoma.
Siç tregohet në foton e publikuar, ishulli ka një formë trekëndore, me dallgët që përplasen në brigjet e tij, por brendësia e ishullit duket si një vrimë e zezë.
Sidoqoftë, përdoruesit e ‘Reddit’ kanë përgjigje, si gjithmonë: “Mendimi im i parë ishte se ai është censuruar. Ndryshe nuk do të kishte kuptim që një formacion natyror të ishte i zi”.
Vende të tjera që janë “nxirë” në Google Maps përfshijnë Sandy Island, të zbuluar nga Kapiteni Cook në fund të viteve 1700 dhe një zonë në Himalajet.
/Burimi: The Sun/ Përshtati: Priza.al/
