Java e Modës e mbajtur në Milano të premten pasdite ishte ‘mbushur’ me yje ndërkombëtar dhe të famshëm si: Dua Lipa, Gigi Hadid, Emily Ratajkowski, të cilat u shfaqën në pasarelë dhe shkëlqyen.
Dua, 26 vjeçe, veshi një fustan rozë me shkëlqen, duke theksuar belin dhe këmbët e gjata. Fustani i ngushtë me dy pjesë kishte një zbukurim të thellë, me rripa që përputheshin dhe kishte veshur taka në të njëjtën ngjyrë.
Ajo i mbante flokët e saj të zeza lirshëm rreth shpatullave të saj të zhveshura dhe i shtoi pamjes shkëlqim me disa stoli të përshtatshme, shkruan DailyMail.
Dua, si rrallë herë, kishte vendosur një makijazh dramatik – një rimel rreth syve ngjyrë të gjelbër dhe në buzë kishte vënë shkëlqyes buzësh.
Pas saj ishte Emily, 29 vjeçe, e cila bëri një shfaqje të bujshme, pasuar nga kunata e saj Gigi Hadid.
Dalja në pasarelë nuk është diçka e re për Duan, pasi ajo e ka nisur karrierën në modeling, para se të bëhej këngëtare e famshme.
Lipa publikoi në Instagram disa fotografi dhe video nga shfaqja në këtë pasarelë, duke e falënderuar “Versace”-n si një nga bashkëpunëtorët e ngushtë të saj.
“Një nder kaq i madh të hapë dhe të mbyllë spektaklin e ‘Versace’-s sonte në Milano, një moment surreal që unë kurrë nuk do ta harroj! Donatella Versace, ti e di, unë do të jem gjithmonë vajza jote e preferuar e ‘Versace’s – faleminderit të gjithë ekipit që sonte e bënë këtë të mundur”, ka shkruar ndër të tjerash artistja shqiptare në Instagram.
Defilimi i saj në pasarelë është shoqëruar me një prej këngëve më të njohura të Duas, “Physical” nga albumi i saj i fundit “Future Nostalgia”.
/Priza.al/
