Dollari amerikan ka forcuar pozitat e tij në raport me lekun këtë të enjte, krahasuar me një ditë më parë, ndërsa monedha europiane euro ka humbur lehtë terrenin e saj.
Sipas kursit zyrtar të Bankës së Shqipërisë, monedha e gjelbër amerikane u forcua me 0.61 lekë dhe këmbehet me 104.79 lekë, ndërsa Euro u zhvlerësua me 0.02 lekë dhe këmbehet me 121.54 lekë. Kjo është hera e parë pas shumë muajsh që monedha europiane pëson rënie, pasi deri më tani kishte vetëm kurbë në ngjitje.
Nga ana tjetër paundi britanik krahasuar me ditën e mërkurë, është ngjitur në kuotën e 141.08 lekë, duke shënuar një rritje me 0.28 lekë.
Po ashtu sipas kursit zyrtar të Bankës së Shqipërisë franga zvicerane këmbehet me 112,13 lekë ose 0,05 lekë më shumë se një ditë më parë.
/Priza.al/
