Trajneri i sapoemëruar i ekipit të Lazios, i ka kërkuar drejtuesve një sulmues krahu për të kompletuar organikën e tij.
Në preferencat e trajnerit toskan, është dhe Xherdan Shaqiri. Futbollisti me origjinë shqiptare, që në të kaluarën ka mbrojtur dhe ngjyrat e Interit është shprehur i nderuar për këtë interesim. Ai ka folur me elozhe për drejtorin sportiv të Lazios, Igli Tare, duke thënë se ka një respekt për të.
“Igli Tare ka bërë një punë të shkëlqyeshme te Lazio. Ndihem i nderuar për interesimin e tyre. E kam ndjekur Lazion për një kohë të gjatë, është një skuadër e madhe. Sarri luan me formacionin 4-3-3.
I përshtatet karakteristikave të mia dhe më pëlqen trajneri sepse praktikon një futboll sulmues. Do të ishte intriguese një rikthimi im në Itali”, ka thënë Shaqiri.
Rikujtojmë që Shaqiri bëri një performancë të shkëlqyer në ‘EURO 2020’.
/Priza.al/
